Afi sterki er ný persóna úr smiðju Jennýjar Kolsöe eða JK Kolsöe eins og hún kallar sig. Eins og amma óþekka fæst afi sterki við íslenskar vættir og óvættir af glettni og ráðsnilld.

Bækurnar um Afa sterka eru hluti af Ljósaseríunni. Í Ljósaseríunni eru bækur sem eru sniðnar að þörfum nýrra lesenda og kjörnar fyrir þá sem eru að æfa sig í lestri. Bækurnar eru misþungar en hafa allar þægilegt letur og rúmt línubil.

 

Afi sterki – Hættuför að Hlíðarvatni

Afi sterki hefur krafta í kögglunum og ráð undir rifi hverju!

Afi Magni og Aron Magni halda í ferðalag á Bedfordinum. Í þetta sinn er ferðinni heitið að Hlíðarvatni þar sem langfeðgarnir ætla að veita silung í net. Aron Magni hefur áhyggjur af því að nykurinn í Hlíðarvatni hafi vaknað um leið og skessuskammirnar í Þrengslunum en afi hefur litla trú á því. Þeir komast þó á raun um að sumar munnmælasögur eru dagsannar!

Bergrún Íris Sævarsdóttir myndskreytti.

 

 

 

 

afi_1_3d_smallerAfi sterki og skessuskammirnar eftir J. K. Kolsöe

Afi sterki hefur krafta í kögglunum og ráð undir rifi hverju!

Afi Magni býður Aroni Magna í ferðalag á Bedfordinum. Í Þrengslunum brestur á þrumuveður sem kemur af stað skelfilegri skriðu. Lætin eru þvílík að tvær skessur sem hafa sofið vært um árabil hrökkva upp með andfælum.
Nývaknaðar skessur eru glorsoltnar og vita fátt betra en litla stráka. Það er eins gott að hann afi kann sitthvað fyrir sér!

Bergrún Íris Sævarsdóttir myndskreytti.

Eftir sama höfund og Amma óþekka!
Bókin er fáanleg í eftirfarandi vefverslunum og svo hjá öllum betri bóksölum:

EymundssonHeimkaup logo PNG

BMMforlagid2