Noregur, nútíminn: Bifvélavirki finnur bein úr mannshendi í undirvagninum á gömlum Cadillac. Rannsóknarlögreglan sendir Anton Brekke til Fredrikstad til að rannsaka manndráp þar sem miðaldra kona er fórnarlambið.

Las Vegas, 1978: Elliot Applebaum stjórnar borg syndanna og fellur fyrir ungri norskri stúlku sem eltir ameríska drauminn.

Sögurnar tvær fléttast saman og verulega reynir á viljastyrk Antons Brekke þegar hann heldur í atvinnuerindum til Las Vegas.

Jan-Erik Fjell er yngsti handhafi norsku Bokhandler-verðlaunanna. Hann hefur hlotið einstaklega jákvæða gagnrýni fyrir bækur sínar um Anton Brekke.

Þýðandi er Atli Steinn Guðmundsson.


Jan-Erik Fjell er einn af mest seldu höfundum Noregs, aðeins Jo Nesbø skákar honum í vinsældum. Bækurnar um Anton Brekke hafa verið þýddar á yfir 14 tungumál og verðlaunaðar í heimalandinu, Noregi.