Æsispennandi fjölskyldusaga eftir Kristínu Rögnu Gunnarsdóttur

 

Drekaaugun

Í annarri bókinni um stjúpsystkinin Úlf og Eddu hefur amma Edda stungið af, sökuð um að hafa stolið forngrip af Þjóðminjasafni Íslands. Úlfur og Edda rekja slóð hennar að göngunum undir Skálholti og leita hennar í goðheimum. Þar lenda þau í miklum ævintýrum, kynnast breyskum persónum goðsagnanna og takast á við forna fjendur á leið sinni heim aftur.

Úlfur og Edda: Drekaaugun er sjálfstætt framhald bókarinnar Úlfur og Edda: Dýrgripurinn sem var tilnefnd til Fjöruverðlaunanna og Barna- og unglingabókmenntaverðlauna Norðurlandaráðs 2017. Bókin er ríkulega myndskreytt og kjörin fyrir lestrarhesta á aldrinum 8-13 ára. Hún hentar líka einkar vel sem fjölskyldubók; til upplestrar fyrir börn á öllum aldri.

Dýrgripurinn

ulfureddaForngrip er stolið frá ömmu Eddu og stjúpsystkinin Úlfur og Edda eru staðráðin í að endurheimta hann. Þau elta þjófinn ofan í göng undir Skálholti en enda í öðrum heimi. Úlfur og Edda eiga fyrir höndum háskaleg ævintýri á ókunnum slóðum og svo þurfa þau líka að komast heim aftur!

Kristín Ragna Gunnarsdóttir hefur áður unnið myndabækur og barnasýningar út frá norrænum goðsögnum og hlotið margskonar verðlaun fyrir. Hér færir hún nútímabörn inn á svið goða, gyðja og jötna á frumlegan og skemmtilegan hátt.

ulfureddaVerkið hlaut Nýræktarstyrk frá Miðstöð íslenskra bókmennta 2015. Í umsögn dómnefndar segir: „Höfundur skapar hrífandi heim þar sem í spennandi ævintýri fyrir alla fjölskylduna mætast kunnuglegur íslenskur veruleiki, íslensk menningarsaga og nýstárleg nálgun við norræna goðafræði. Lipur, fyndin og raunsönn frásögn fyrir börn á öllum aldri sem státar af bráðskemmtilegu og vel mótuðu persónugalleríi.“

Bókin er ríkulega myndskreytt og kjörin fyrir lestrarhesta á aldrinum 8-13 ára. Hún hentar líka einkar vel sem fjölskyldubók; til upplestrar fyrir börn á öllum aldri.

Úlfur og Edda: Dýrgripurinn er tilnefnd til Fjöruverðlaunanna og barna- og unglingabókaverðlauna Norðurlandaráðs 2017.

**** „[Kristín Ragna] hefur skrifað afar áhugaverða, vandaða og spennandi sögu þar sem unnið er á lifandi hátt með samtímann og norræna goðheiminn.“ Einar Falur, Mbl.

Bækurnar fást í eftirfarandi vefverslunum og hjá öllum betri bóksölum.

EymundssonHeimkaup logo PNGBMMforlagid2