hilmar_oskarsson_a_svhvHilmar Örn Óskarsson og er fæddur í Reykjavík árið 1975. Í þá daga voru bækur skrifaðar á héraskinn sem vildi komast inn. Sagnfræðingar hafa heimildir fyrir því að fyrsta bókin um Kamillu hafi verið rituð með þeim hætti og að hennar sé gætt í leynilegu musteri í Nepal. Á þessum tíma nærðist fólk nánast eingöngu á trjákvoðu og rigningarvatni og faldi sig í djúpum hellum á næturnar af ótta við ógurlegt myrkratröll sem gekk undir nafninu Vilhelmína. Risavaxnir broddgeltir vöfruðu einnig um jörðina og tunglið var á stærð við tíeyring.

Hilmar telur það vera einn af hans helstu styrkleikum að hann tekur aldrei neitt of alvarlega, ekki einu sinni stutta pistla um hann sjálfan á vefsíðum.

Á ferli sínum hefur Hilmar skrifað ljóð, smásögur og blaðagreinar en bækurnar um Kamillu Vindmyllu eru fyrstu útgefnu verkin í fullri lengd.

Bækurnar:

Kamilla Vindmylla
Kamilla Vindmylla og bullorðna fólkið
Kamilla Vindmylla og leiðinn úr Esjunni
– Kamilla Vindmylla og svikamillurnar

Funi
– Funi og Alda falda