Eftir Bergrúnu Íris Sævarsdóttur

Elstur að eilífu

Dag einn er lífi Eyju snúið á hvolf. Mamma og pabbi færa henni gleðifréttir – sem gleðja hana bara alls ekki neitt. Á sama tíma hrakar heilsu Rögnvaldar, hins 97 ára gamla vinar hennar og bekkjarfélaga.

Eyju finnst eins og allt sé að breytast, allt of hratt!

Svo fær Eyja frábæra hugmynd! Eftir dálitlar samningaviðræður tekst henni að sannfæra Rögnvald og vinirnir halda í skemmtileg, hættuleg og spennandi ævintýri!

Eyja lærir að oft er stutt á milli sorgar og gleði og að stórar breytingar þurfa alls ekki að vera svo slæmar.

Bókin er tilnefnd til Íslensku bókmenntaverðlaunanna árið 2019!

„Bergrún tekur á öllum lífshringnum í Langelstur að eilífu, gleðinni og sorginni sem við upplifum öll á lífsleiðinni. Og hún gerir það á hlýjan og nærgætinn hátt.“***** Katrín Lilja, Lestrarklefinn

„Mér finnst þetta langbesta bókin. Fyndin og hlý. Það er staðföst skoðun mín að börn verði að fá að lesa um sinn eigin heim því það stækkar þau. ALLT í þessari bók gerir það. Þess vegna finnst mér hún best.“ ***** Gunnar Helgason, rithöfundur og leikari

Elstur í leynifélaginu 

Áður var Rögnvaldur langelstur í bekknum en nú hafa hlutverkin snúist við og Eyja er orðin langyngst á dvalarheimilinu með tilheyrandi gríni og glensi.

Eftir skemmtilegan skólavetur eru vinirnir Eyja og Rögnvaldur komin í sumarfrí!

Þegar hinn háaldraði Rögnvaldur flytur á dvalarheimili fær Eyja að fylgja honum á meðan foreldrar hennar eru fastir í vinnu. Fljótlega bætast fleiri krakkar úr bekknum í hópinn.

Saman stofna þau leynifélag og leggja ýmislegt á sig til að komast að því hvort forstöðukona heimilisins sé raunveruleg manneskja eða illt og sálarlaust vélmenni!

Elstur í bekknum

Það getur verið dálítið skrítið að byrja í nýjum skóla þar sem maður
þekkir engan. En það er eiginlega stórfurðulegt þegar níutíu og sex ára
gamall karl sest við hliðina á manni og enginn kippir sér upp við það!
Fljótlega verða bekkjarfélagarnir Eyja og Rögnvaldur ágætis vinir þrátt fyrir níutíu ára aldursmun. Þegar Eyja kemst að leyndarmáli Rögnvaldar gera þau með sér samning en tekst Eyju að standa við hann?

(lang) Elstur í bekknum er fyrsta skáldsaga Bergrúnar í fullri lengd.  Bókin prýða dásamlegar litmyndir Bergrúnar og uppsetningin miðar að þörfum þeirra sem eru að stíga sín fyrstu skref á lestrarbrautinni.

„Algjör snilldarbók – hlýja og innileiki á hverri síðu!“ Gunnar Helgason, rithöfundur og leikari
„Bókin er skemmtileg, skrýtin og fyndin. Ofur-Eyja er hugrökk og snjöll og hún væri örugglega vinkona okkar ef við værum saman í bekk.“ Sara 8 ára og Erna 5 ára

EymundssonHeimkaup logo PNG

BMMforlagid2