Í samstarfi við japanska teiknarann Ryoko Tamura hefur Guðni skapað sérstaklega litrík og einstökt ævintýri fyrir börn og fullorðna.

Stelpan sem sigldi kafbát niður í kjallara (og lenti í sápufólki og smáninjum)

Náttfatapartý geta stundum endað með ósköpum – en fyrr má nú vera! Þegar rafmagnið fer af og hræðileg ófreskja brýst inn í húsið er það undir Þrúði og vinum hennar komið að finna hundinn Jóa, kveikja ljósin og bjarga kvöldinu. En það er hægara sagt en gert.

Stelpan sem týndi litla bróður sínum í ruslinu (og komst í kynni við bollamörgæsir og leðjubirni)

Þrúði þykir ekkert leiðinlegra en að taka til. Dálítið rusl hefur aldrei truflað hana – fyrr en það gleypir alla fjölskylduna hennar!

Tilneydd leggur Þrúður upp í stórhættulegan og æsispennandi leiðangur gegnum gamlar matarleifar, óhreinan þvott og ógeðiseyðimörk til að finna bróður sinn og kljást við hið alræmda Ruslhveli.

Stelpan sem ákvað að flytja húsið sitt upp á fjall (og þurfti að berjast við vélkjúklinga og sjóræningjaeðlur)

Það getur verið erfitt að eiga foreldra sem eru alltaf uppteknir – sérstaklega þegar eðlusjóræningjar ráðast á húsið þitt.

Það er undir Þrúði (og hundinum Jóa) komið að sameina fjölskylduna og berja innrásina á bak aftur. Helst án þess að trufla skrímslið …

EymundssonHeimkaup logo PNG

BMMforlagid2